Ginpasa-pasahan sa media ang isa ka message nga naga imbitar sa media nga i-cover ang isa ka prayer gathering sa Pamplona Negros Oriental sa Sabado sang hapon. Tinutuyo sang pagtilipon ang pag engganyo kay Mayor Janice Degamo nga magpapili bilang gobernador.
Sa isa ka video message nga ginpagwa sang alkalde, iya ginpaathag nga wala siya sang ihibalo parte sa sini nga event.
May mga supporters sila nga nagpamangkot sa iya parte diri kag diri niya na lang ahibaluan ang amo nga plano.
Sa social media man gina palapta ang amo nga imbitasyon.
Dugang pa sang alkalde, wala sang venue nga maka accomodate sa amo nga pagtipon-tipon.
Ang mga gym sa banwa ang gina gamit man karon bilang evacuation center para sa mga ginbaha nga pumuluyo.
May grupo nga naga duso sa alkalde nga magpapili bilang gobernador para mapadayon ang mga nasugdan nga proyekto sang iya ginpatay nga mister nga si anay Negros Oriental Governor Roel Degamo.