Kapaslawan sang NGCP nga mangontrata para sa reserba nga power supply ginatudlo sang consumer watch group nga kabangdanan sang lapnagon nga brownout.
May duha na ka tuig nga ginapahanumdom sang Department of Energy sa National Grid Corporation of the Philippines ang pagkuha sang ancillary services ukon power reserve agud makapangaman sa tion sang pag trip off sang power plant ukon power generators.
Kabahin ini sa mga obligasyon sang NGCP agud mapasiguro ang suppy sang kuryente. Suno kay Power Watch Negros Secretary General Wennie Sancho, napaslawan ang NGCP nga mangontrata resulta sang lapnagon nga power blackout sang Enero 2.
Dugang ni Sancho nga mismo ang DOE ang nagmando sa NGCP nga magbakal sang indi magnubo sa 4 percent sang power demand nga sarang magamit sa tion sang brownount.
Ang Power Watch Negros isa man sa mga nanawagan para sa congressional inquiry agud matagaan sang solusyon ang nagaluntad nga lapnagon nga brownout sa Western Visayas humalin sang nagligad nga tuig.