Gina-finalize na sang Bacolod ang kontrata para masuguran ang undergound cabling project kag pagtukod saang command center sa bulan sang Pebrero.
Suno kay Mayor Albee Benitez kun wala man lang sang legal impediments sarang nga matapos kag mapirmahan na ang kontrata para sa construction sang underground cabling system sa una nga semana sang Pebrero.
Ang underground cabling system project ang himuon sa dalan Lacson.
Kabahin ini sa mga pamaagi sang LGU agud masolbar ang problema sa spaghetti wires ukon mga nagalaylay nga cable sang kuryente kag telecommunications companies.
Samtang ginatinguhaan man ang siudad nga ma-finalize man ang kasugtanan para sa construction sang command center nga pagahamtangan sang opisina sang PNP, BFP, DRRMO kag emergency responders agud nga mangin epektibo ang pagresponde sa emerhensya kasubong sang sunog.