Ginapaabot ang posible pag bisita ni Presidente Ferdinand Marcos, Jr., sa haya sang Negrense caregiver nga napatay sa Israel-Hamas nga gamo.
Suno kay Cadiz City Mayor Salvador Escalante, kun mag-abot gid man ang presidente, ang haya patigayunon sa malapit nga simbahan bangud nga mas may lugar.
Nag bulig na ang siudad sa pagpanghanda sa haya ugaling tubtob sa karon wala pa sang pat-od nga petsa kun san-od gid maga abot ang bangkay ni Loreta Alacre nga napatay sa Israel bangud sang kinagamo sa Hamas.
Sandig man sa gin-ayo sa presidente, nag-abot naman sa Cadiz ang utod ni Loreta nga si Nelia nga naga trabaho sa Kuwait.
Bangud sang natabo kay Loreta indi na luyag pa sang ila nga mga utod nga siya ang magabalik sa Kuwait.
Tubtob sa karon suno kay Nelia wala nila mahibaluan kun ano gid ang natabo sa kay Loreta magluwas lamang nga upod sa tatlo ka iban pa sila ang gin harangan sang Hamas samtang pabalik sa iya nga amo.
Isa lamang sa ila ang tigayon naka survive.
Kaina sa balay ni Loreta sa Camay-an sa Cadiz Viejo, ginpatigayon ang pag turn-over sang tiglawas ni House Speaker Martin Romualdez kag sang tiglawas sang talatapan ni Tingog Partylist Representative Yedda Romualdez ang 500,000 pesos nga cash assistance sa himata ni Loreta.
Suno kay Anabella Alacre ang magulang ni Loreta, ini ang paga gamiton nila sa palangitan-an kasubong man sa pag pa eskwela sang mga hinablos nga ginabuligan ni Loreta.
Nagahatag man sang burial assistance ang talatapan ni Second District Congressman Alfredo Maranon, III kag plano man nga mahatagan sang financial assistance ang mga estudyante nga gina pa eskwela ni Loreta.