Shadow

P20M nga balor sang suspected shabu na-recover gikan sa anay preso sa buy-bust operation

P20M nga balor sang shabu ang na recover sa anay preso sa ginakabig pinakadako nga buy-bust operation sang kapulisan sa Western Visayas.

Masobra sa tatlo ka kilo sang ginasuspetsuhan shabu nga ginapatihan gintigana para sa MassKara Festival ang na recover sang katapo sang City Drug Enforcement Unit, BCPO, NOCPPO kag Regional Intelligence Unit sa buy-bust operation sa Barangay Singcang-Airport kahapon.

Subject sang anti-illegal drug operation ang high value individual nga si Jummel Camento, pangayaw sa amo nga barangay.

Ang high impact operation ang ginakabig man nga pinakadako nga illegal drug recovery sa Western Visayas.

Gani magluwas sa gindayaw ni Mayor Albee Benitez ang kapulisan, nagpalab-ot man siya sang financial reward kay BCPO Director Col. Noel Aliño sa nangin madinalag-on nga anti illegal drug operation.

Suno kay Aliño, padayon ang ila maid-id nga pagpang-usisa batuk sa nadakpan nga suspek agud nga madakpan ang pamuno sang Caunda drug syndicate nga ginatinguhaan nila nga matapna.

Secured By miniOrangeSecured By miniOrange