Luyag ni Negros Occidental Governor Eugenio Jose Lacson, nga matutukan man sang probinsya ang gina lantaw nga food shortage sa pungsod sini nga tuig.
Sa gin report nga forecast sang Philippine Chamber of Agriculture and Food Inc., gin siling nga sa mga gina atubang nga mga pagpanghangkat sa bilog nga kalibutan ilabi na ang sa Ukraine-Russia crisis, ma apektuhan man ang domestic food supply.
Mahimo sa fourth quarter sang tuig ma eksperiensyahn ang food shortage sa pungsod. Suno kay Lacson, indi man 100 percent nga self-sufficient ang probinsya, rason nga iya patutukan man ini sa Office of the Provincial Agriculturist.
Sa pihak nga bahin, maga retiro matapos ang 38 ka tuig nga pag pangalagad ang Provincial Veterinarian nga si Dr Renante Decena sa Hunyo 30.
Wala pa man sang desisyon suno kay Lacson kun sino ang maga bulos sa iya.
Pero pagkatapos sang retirement maga pangalagad bilang Consultant for Food Security si Decena.
Gin-recommend ni Decena si Dr Placeda Lemana nga 26 ka tuig na man sa Provincial Veterinary Office nga maga tal-os sa iya.