May pondo nga available para sa mga local government units nga apektado sang bulkan Kanlaon.
Pero yara na sa tagsa ka natungdan nga banwa kag siudad ang pag process sini.
Ini suno kay Negros Occidental Governor Eugenio Jose Lacson base man sa impormasyon nga iya nabaton gikan sa Office of the Civil Defense.
Damlag pa, ang La Carlota City, Himamaylan City kag La Castellana sa Negros Occidental kag Canlaon City naman sa Negros Oriental ang nag submit sang ila nga request suno sa OCD kag ini ang gin-aprubahan.
Base sa datus sang OCD 203,881,186 pesos ang damlag pa financial assistance nga ginhinyo.
Sa Negros Occidental sa datus sang DSWD Western Visayas as of June 6, may 5,433 ka persona ang naga pabilin sa 13 ka ma evacuation centers, 8,714 naman ka persona ang yara sagwa sang mga evacuation centers.