Naka release na sang pondo ang Comelec provincial office nga iga bayad sa mga nagserbe sa eleksyon.
Suno kay acting Elections Supervisor Roberto Salazar ang pondo yara sa mga election officers nga naga serbe nga special disbursing officers.
Pero may mga election officers nga unbonded, ukon may mga unliquidated cash advances kag disallowances sa nagligad pa nga eleksyon rason nga gin paagi ang pondo sa talatapan sang provincial election supervisor.
Suno kay Salazar naka pa gwa na siya sang pondo damlag pa kag ang iban yara na sa tagsa ka election officer.
Pero sa karon kay tungod nga masako pa ang mga election officer sa pag submit sang election results sa talatapan sang provincial Comelec, naga hinyo si Salazar sang pag hangup sa mga manunudlo kag sa nag serbe sa eleksyon.
Iga submit man ni Salazar ang amo nga election results sa Manila.
Pero pasalig niya nga sa sulod sang kinse diyas humalin sa gin patigayon ang piniliay, sandig sa Election Service Reform Act, ma disburse ukon mabayaran gid ang tanan nga nag serbe sa eleksyon.
Ang honorarium nga mabaton maga depende sa nangin papel nila sa piniliay kag subject santo nga buwis.
Samtang, kun may reklamo man angut sa nangin resulta sang piniliay suno kay Salazar ini ang sarang nga mapatuhoy na sa nagakaigo nga talatapan ayhan sa korte ukon sa Comelec En Banc.