Mga political groups ang naga hulat sang kun ano ang matabo sa Barangay kag SK Elections.
Ini suno kay Mayor Salvador Escalante, Jr., Secretary General sang United Negros Alliance.
Suno kay Escalante, ang BSKE ang naga serbe nga mechanism nga maga duso sang pag sapol sang mga political groups kaangay sang UNegA.
Ini ang mangin basehan sang ano man nga kasugtanan ukon pagsulundan.
Pero, klaro niya madayon man ukon indi ang BSKE natalana naman gid nga magsapol ang grupo.
Isa si Escalante sa nagtambong sa opening sang 40th Negros Trade Fair sa Manila nga masami ang gina tambungan sang mga lokal nga opisyales sa pag pakita sang ila nga suporta.
Nagkilit-anay man ang halos tanan nga katapo sang UNegA kag Love Negros base sa mga litrato nga naka post sa social media, pero suno kay Escalante wala sang may seryoso nga gintalakay bahin sa pulitika.
Ang pagtililipon para sa camaraderie suno sa iya kag pag suporta sa Negros Trade Fair.
Maga sapol pa ang UNegA kag Love Negros labi na sa plano kag collective stand nila sa ila nga mangin manok para sa 2028 nga piniliay.
[sibwp_form id=1]