Alas 9 pa lang sang gab-i sang Lunes, naka park na ang ini nga awto sa kilid sang dalan sa Diversion Road sa banwa sang Bacong, Negros Oriental. Martes sang udto. Nakibot na lang ang residente nga si Robertson Tubina. Matapos sila nag panyaga nakita nila ang duguon nga lalaki sa sulod sang salakyan.
Iya ini gilayon gin sugid sa otoridad. Pag bukas sang kapulisan, nakita ang lawas sang biktima nga naga higda sa passenger kag duguon ang lawas.
Ang iya ulo ang natabunan pa sang plastic. May na recover pa nga bala ang pulis sa driver side. Ang biktima ang gin kilala nga si Ferdinand Escalante nga residente sang Valencia, Negros oriental. Siya ang natukiban nga political coordinator ni Negros Oriental Governor Roel Degamo.
Tinguhaan sang PNP nga makakuha sang CCTV footage sa malapit nga mga banwa kag siudad ilabi na sa Dumaguete City agud maka bulig sa ila imbestigasyon.
Ginahibalo pa man snag PNP kun may kaangtanan sa pulitika ang motibo sa pagpatay sa suspek.