Sa pagsinapol sang pamunuan sang Bacolod City Police Office upod sa katapo sang Metro Bacolod Chamber of Commerce and Industry nakasugtan ang pagtukod sang Police, private security Council nga amo ang magabulig agud matagaan atensyon ang pagpabaskog sang kampanya sa peace and order sa siudad.
Para kay Colonel Noel Aliño, officer- in-Charge sang BCPO importante ang suporta sang private sector ilabi na sa bahin sang pagpahagan-hagan sang kriminalidad magluwas man sa ginapatuman nga police visibility patrol kag iban pa nga crime prevention programs.
Nahangpan man ni Aliño ang pagkabalaka bisan sang business sector sa mga kaso sang mga ginwigit nga bangkay kag utod nga parte sang lawas sang tawo.
Suno sa iya padayon ang ila ginahimo nga parallel investigation upod man sa National Bureau of Investigation – Bacolod agud makilal-an ang pila ka mga ginapatihan ginwigit nga bangkay kag matumod ang motibo sa separado nga krimen.
Gindugang niya nga ang kasubong nga mga kaso nga nagaluntad man sa pila ka mga lugar sa rehiyon ang gina-usisa naman sang katapo sang PNP Regional Office.