Ginkumpirma sang Kabankalan City Police Station nga wala sang foul play sa kamatayon sang lalaki nga nahulog kag nasapwan sa kalog sa Purok 7 Brgy. Linao sa siudad sang Kabankalan Lunes sang hapon.
Suno kay Police Captain Joelan Vinson, deputy chief of police sang Kabankalan City PNP, base sa findings sang doktor sa post mortem examination sa bangkay sang biktima nga si Bryan Cabrera, pagkalumos ang kabangdanan sang iya nga kamatayon.
Dugang pa sang pulis, wala sang nakit-an nga iban pa nga pilas sa lawas ni Cabrera.
Nasapwan na lamang sang nagatrabaho sa kampo nga napintalan sang iya motorsiklo sa kalog kag patay na.
Ginalantaw nga posible aksidente ini nga nahulog sa kalog ang biktima kag sang amo nga tiun mataas ang tubig dala sang maulanon nga panahon.
Gin-report pa sang iya pamilya nga missing ang biktima bangud wala ini makapauli humalin sang Sabado kag Lunes sang hapon na ini nga nasapwan.