Ginkumpirmar sang Madridejos PNP nga katapo sang Bantay Dagat sang banwa ang apat ka mga persona nga nagpaarak tiro sa amun ka mga mangingsida nga taga Victorias City sadtong Setyembre 3, kun sa diin isa ang napatay.
Ang napatay ginkilala kay Rex Dela Cruz sang Brgy. 9 Victorias City.
Suno kay Police Lieutenant Michael John Bañes, hepe sang Madridejos PNP, yara sa kustodiya sang mga kapulisan ang mga suspetsado kag sila ang magapatigayon sang paraffin test.
Magluwas sa mga kaupdanan sang napatay may mga saksi pa gid nga makapamatuod nga ang apat ka bantay dagat ang nag patrolya sang amo nga adlaw.
Ginklaro ni Bañes nga wala nag coordinate ang bantay dagat sang nagpatigayon sang patrolya sa kadagatan.
Dugang pa sang PNP nga pasakaan nila sang kaso ang mga katapo sang bantay dagat sang banwa.