PRO-NIR gina-imbestigaran ang responsable sa pagpalapta sang sala nga impormasyon angot sa nagluntad nga engkwentro sa Calatrava.
Martes sang udto, nag-post ang Facebook page nga We Are Negros angot sa mga pulis, government official kag kapitan nga ila gin-alegar napatay sa engkwentro sa Sitio Kabalagnan, Barangay Lalong sa banwa sang Calatrava sadtong Hunyo 14.
Apang, suno sa Police Regional Office-Negros Island Region, sala kag misleading ang impormasyon nga ginapalapta sang nasambit nga Facebook page.
Base sa opisyal nga spot report sang Regional Mobile Force Battalion, naka-engkwentro sang 1st Platoon, 2nd Maneuver Company ang mga miyembro sang New People’s Army samtang naga-render sang security assistance sa isa ka Municipal Local Government Operations Officer.
Tanan nga miyermbro sang 1st Platoon, 2nd Maneuver Company ang na-account kag wala sang may napilasan ukon napatay sa bahin sang government troops.
Ginahibalo na karon sang Regional Anti-Cybercrime Unit – Negros Island Region (RACU-NIR) ang identity sang mga persona nga nagsulat, nag-post kag naga-operate sang nasambit nga social media page.
Ginatun-an man sang PRO-NIR ang pagpasaka sang kaso batok sa mga indibidwal nga responsable sa magpalapta online sang sala nga impormasyon.*
[sibwp_form id=1]