Nagpasalig ang Negros Electric and Power Corporation sa lokal nga panguluhan sang siudad sang Bacolod nga handa sila nga magpatukod sang temporaryo nga mga poste agud mahatagan sang kuryente ang masobra sa 80 ka mga balay sa Arao Relocation Site sa Barangay Vista Alegre.
Ginahaylo sang siudad ang tanan nga mga residente sa relocation site nga tubtob sa karun wala pa sang kuryente, nga iproseso na ang ila application sa Negros Power kag likawan ang illegal tapping.
Ginsiling ni Bacolod City Mayor Greg Gasataya nga pagasugdan na sang NEPC ang pagpatukod sang mga poste kun tigayon na nga nakapasa sang ila application ang 50 porsyento sang mga wala pa sang linya sang kuryente.
Nagpasalig man si Gasataya nga sabton niya kutob sa tanan nga mga balayran sa mga dokumento sa pag apply sa Negros Power.
Temporaryo lamang ang poste nga ipatukod sang NEPC, bangud siudad mismo ang magapatukod sang permanente nga mga poste sa lugar.
Pagabuksan na sang siudad ang bidding process para sa amo nga proyekto. Kon mag-tindog na ang permanente nga poste sang siudad, tanan nga linya nga nakatakod sa temporaryo nga poste sang NEPC, ang isaylo na diri.*
[sibwp_form id=1]