Kapulisan iga-deploy sang BCPO sa mga simbahan, beach resort kag iban pa sa Semana Santa.
Sa madasun nga semana ginaplano sang Bacolod City Police Office nga magtalana sang mga PNP help desks sa mga bus terminals kag pati na malapit sa mga simbahan nga ginapaabot dagsaon sang mga tumuluo sa pagdumdom sang Semana Santa.
Ginpahayag ni BCPO Director Police Colonel Joeresty Coronica nga ang deployment sang mga police personnel sa mga ginakabig places of convergence kasubong sang mga resorts ang nangin pamaagi agud mapasiguro ang kalinong sa tuigan nga okasyon.
Kabahin sang pag panghanda sang kapulisan para sa summer vacation ang pag-coordinate sa mga local government unit upod sa mga nagkalain-lain nga law enforcement agencies para mas mapabaskog ang peace and order.
Nagapanugyan man si Coronica sa mga motorista ilabi na sa mga riders kag drivers sang mga salakyan nga maghalong kag ipaiway ang mga pag bangigay nga maga resulta sa insidente sang road rage.