
May nakuha nga CCTV footage ang PNP nga ang lalaki nga nagbilin sa lapsag nga babaye sa jeep sa Barangay Zone 8, Talisay City sadtong Hunyo 8 ang may upod nga babaye.
Suno kay Police Major Rhazl Jim Jocson, ang Deputy Chief of Police sang Talisay City PNP, isa ka lalaki kag babaye ang nagbilin sa lapsag kag suno sa PNP posible nga sila man nga duha ang mga ginikanan sang bata.
Nagapadayon ang imbestigasyon sang Talisay PNP agud makilala ang duha.
Nagapanawagan naman ang Talisay PNP sa publiko nga posible may ihibalo sa amo nga insidente nga makig angut lang sa ila talatapan.
Ginsiling sang PNP nga ang nagbilin sa bata ang mahimo kasuhan sang child abuse.