Gina alegar katapo sang SPARU patay sa enkwentro sa Calatrava. PNP naga siling naman nga ang napatay ang kabahin sang breakaway group
Patay ang isa ka persona nga gina alegar katapo sang special partisan unit matapos maka enkwentro sang ila grupo ang tropa sang 79th Infantry Battalion sang Philippine Army sa Sitio Icugan, Barangay Minpasuk sa Calatrava kahapon.
Ang napatay ginkilala kay Johnrey Pahayahay.
Sa report sang army, ang tropa ang ang patigayon lang sang security operation angut sa reported nga extortion activity sang mga rebelde sa lugar sang sila ang gin palukpan sang katapo sang NPA.
Nag lab-ot sa lima ka minuto ang pag baylahanay sang lupok nga nagresulta sa kamatayon ni pahayay.
Si Pahayahay ang suno sa army isa sa mga naga pangrecruit sang mga residente sa lugar para mag upod sa hublag.
Pero suno sa kay Police Major Roberto Indiape, anay miyembro sang communist terrost group ang napatay nga si Pahayahay kag subong nag himo na sila sang ila nga breakaway group nga tuyo sa gihapon amo ang pag pangilkil sa mga pumuluyo.
Na kuha naman sang iya pamilya ang iya bangkay suno sa pulis.