Humalin sang nagsugod ang election period sang Enero 12, may pito na tanan ka mga persona ang separado nga nag kaladakpan bangud sang kaso angut sa pagsupak sang Comelec Gun Ban.
Ginpahayag ni Negros Occidental Police Provincial Office Spokesperson Police Capt. Judesses Catalogo, kalabanan sa mga nakuhaan sang nagkalain-lain nga kalibre sang pusil kag bala ang mga subject sa ginpatuman nga anti-illegal drug operation.
Nalakip diri ang gikan sa Cadiz, Sagay, Hinigaran,Toboso kag Pulupandan.
May isa man ka rider nga napilasan sa natumba nga ginamaneho nga motorsiklo sa siudad sang Talisay ang nakuhaan sang caliber .45 pistol sang Enero 22.
Samtang, ginsiling ni Catalogo nga aprobado na sang Comelec ang gun ban exemptions sa mga police personnel.
Pero sandig sa pagsulundan sarang lamang sila makabitbit sang pusil kun on-duty, naka-uniporme kag sa tion sang ginapatuman nga police operation.