
Gina lantaw sang Negros Occidental PNP nga mangin matawhay kag malinong ang piniliay sa probinsya. Tubtob sa karon para sa PNP naga pabilin sa green category ang mga lugar sa Negros Occidental.
Pero kay nag pa gwa ang Commission on Elections sang listahan sang mga gina kabig areas of concern nga naga lakip sang Isabela kag San Enrique sa yellow category kag Calatrava, Cauayan kag Sipalay City sa orange category, maga sapol liwat ang PNP, Army kag Provincial kag Regional COMELEC para maka patuman sang re-assessment.
Mismo si COMELEC Commissioner Aimee Ferolino, nga naga pamuno sang Committee on the Ban on Firearms and Security Concerns (CBFSC) ang nag present sang amo nga report.
Suno kay PNP Provincial Director, Colonel Rainerio de Chavez, wala sang may na-monitor nga private armed groups sa probinsya.
Wala man sila sang impormasyon nga nabaton nga maga kabig sa mga nabilin nga katapo sang rebeldeng New People’s Army bilang threat sa 2025 elections.
Samtang, ginsugdan na sang PNP ang peace rally nila kag peace covenant signing sa mga kandidato sa pag pasiguro sang malinong kag matawhay nga piniliay.
Suno kay de Chavez ini ang ila na ginsugdan sa Valladolid nga gin tambungan sang mga opisyales kag sa mga naga papilli.