Apesar sang nagluntad nga tiniruhay sa siyudad sang Silay, Negros Occidental sa adlaw sang eleksyon, ginakabig sa gihapon sang Police Regional Office-Negros Island Region nga “generally peaceful” ang nagtakup nga pinili-ay.
Ginsiling ni Regional Director Police Brigadier General Arnold Thomas Ibay nga magluwas sa nagluntad nga pagpangluthang sa Silay, nagapabilin nga kalmado kag masulhay ang pagpatigayon sang 2025 Local and National Elections sa bilog nga Negros Island Region.
Dugang pa ni Ibay nga hilway nga nakaboto ang mga botante sa tanan nga lugar sa Negros Occidental, Negros Oriental kag Siquijor.
Ginpanginbulahan man ni Ibay ang tanan nga security forces, election officials, volunteers, tanan nga concerned agencies, kag residente sang rehiyon sa ila pagbuylog kag pagbulig nga mangin matawhay ang pinili-ay.