125 ka mga pineapple farmers sa Don Salvador Benedicto ang nagbatun sang solar powered decorticating machine.
Ang turn-over sang machine nga ginpatigayon kaina sang aga sa Barangay Bago, ang kabahin sang productive use of renewable energy project ukon PURE.
Ini ang sa idalom sang Department of Energy kaupod sa European Union – Access to Sustainable Energy Programme kag Team Energy Foundation Inc.
Ang machine ang maga process sang mga dahon sang pinya para ini mangin dekalidad nga fiber nga sarang mabaligya sang mga pineapple farmers bilang dugang nga kita.
Ang PURE ang ika apat nga pilot project sang EU-ASEP kapuod ang DOE.
Ang EU-ASEP ang naghatag sang solar powered decorticating machine, 2Kw PV system kag building nga magamit sang mga magagmay nga komunidad sa mga malagyo nga purok sa Don Salvador Benedicto.
Ini ang pinaka una nga eu-asep project nga na install sa visayas nga nagatuyo sa pag suporta sang lihok sang gobeyrno angut sa pag paayo sang access sa kuryente kasubong man sa pag intergrate sang renewable energy kag mag duso sang energy efficiency.