Shadow

Dugang nga Sinovac vaccines nag abot sa probinsya

CAAP-Bacolod photo

15,000 ka dose sang Sinovac vaccine ang nag abot kahapon sa probinsya.

Nagapabilin nga mataas ang utilization rate sa vaccine rollout sang Negros Occidental.

Sa datus gikan sa talatapan sang provincial administrator, ang rollout sa Sinovac vaccine sang Agosto 5 ang yara sa 91.96 percent. Sa 9,814 ka vials nga gin-deliver, 9,025 ang nagamit.

Sang Agosto 4 naman, sa 6,576 ka Sinovac vaccine nga gindul-ong 5,269 ang nagamit.

Suno kay Governor Eugenio Jose Lacson, as of press time wala pa niya napat-od kun ang Negros Occidental may batunon nga Moderna vaccine.

Padayon naman nga gina pabaskog ang kampanya suno kay Lacson sa mga senior citizen nga magpabakuna, kay madamo pa sa gihapon ang wala naka pa vaccine.

Sa mga government procured vaccines nagsugod naman ang probinsya sa pagbakuna sa mga yara sa A4 category ukon economic frontliners.

“Of course we always welcome any vaccines that arrive here, we will welcome. Obviously popular gid ang janssen because i guess one dose lang. But we don’t know when those come again. But any brand that comes into negros welcome gid,” suno kay Lacson.

Secured By miniOrangeSecured By miniOrange