
Sales sa ika duha nga adlaw sang Negros Island Organic Festival sa North Capitol Road ang nagdangat sa masobra sa tunga sa 500, 000 pesos.
Sa una nga duha ka adlaw halos naga hamboy ang sales sa isa ka milyon ka pesos.
Tubtob pa sa Domingo ang mga booth nga naga tanyag sang organic produce.
Suno kay Acting Provincial Agriculturist Dina Genzola, dapat nga mabisitahan sang publiko ang 16th Negros Island Organic Festival agudto matilawan man ang mga gina tanyag nga pinasahi nga pagkaon gikan sa slow food community kaangay sang quail egg adobo, ice cream sa Antique nga pila lamang sa mga pagkaon nga gina tanyag.
Sa gab-i naman may entertainment nga gikan sa naga tukar nga banda. Padayon naman ang lecture sa organic farming, mga techniques kag iban pa gid nga dapat man matun-an sa slow food industry.