Provincial Incident Management Team nag paathag kun ngaa naga tingub ang pag report sang mga Covid-related deaths.
Sa October 27 nga report sang PIMT walo ang gin report nga napatay. Wala nagakasayuran nga ang walo sa amo man nga adlaw napatay.
Suno kay Zeaphard Caelian ang incident commander sang PIMT ang sistema sa reporting isa sa naga apekto diri.
May mga LGU suno sa iya nga adlaw-adlaw naga report may yara man nga naga tingub.
Ika duha suno sa iya antes pa man ma report nga Covid related ang kamatayon sang isa ka persona ini ang kinahanglan nga ma pat-od paagi sa swab test kag may verification nga nagakatabo.
Mas madugay pa gid kun ang persona napatay sa balay. Indi lamang sa Covid deaths ang apektado sa sistema, bisan pa gani ang pag report man sang mga recoveries suno kay Caelian.
May 1,280 na ang napatay bangud sang Covid sa bilog nga negros occidental humalin sang nag igo ang pandemya.