Water sampling sa mga water sources sa siudad sang San Carlos ang ginpatigayon kasunod sang pagsaka sang amoebiasis cases sa siudad. Sa unofficial laboratory test sang siudad, may mga sample nga nagpositubo sa bacteria.
Damlag pa nagmando si Mayor Renato Gustilo sang inspection sa mga water sources nga naga lakip sang gikan sa City Waterworks Deparment sang siudad, mga bomba kasubong man water refilling stations.
Bisan gani mga food establishment kag stalls nga wala sang naga kaigo nga permit ang nalakip sa inspeksyon. Suno kay Mayor Gustilo ang resulta sang laboratory test sa random water sampling ang ginapaabot sa Biyernes. Ini ang ginpadala pa sa Bacolod sa accredited nga laboratory.
Pero sa in-house laboratory sang siudad, may mga sample nga nagpositibo sa bacteria. Gina abisuhan ang pumuluyo nga mag gamit sang bottled water, pero mas labing maayo ang ginpabukalan nga tubig suno sa alkalde.
Samtang, may 7 man ka kaso sang amoebiasis sa BJMP pero negatibo naman sa bacteria ang water source sini. May pagsaka sa hospital admission bangud sang amoebiasis kag acute gastroenteritis cases sa San Carlos rason nga nag deklara sang state of health emergency ang alkalde.
“Tapos na kami explore. May mga positive nga presence of bacteria. Ga explore kami ano naton pag patay sa bacteria. Nag water sampling kita sa households, katong nag positive, dason sa mainline naton sa Waterworks, ginkuhaan sample for lab test. Now based on our in-house lab test, unofficially may mga nag positive nga presence of bacteria”, suno kay Gustilo.