Pila ka lugar sa Negros Occidental ang nag eksperiensya sang pag tupa sang mabunok nga ulan. Sa La Castellana kag Isabela may gin pang evacuate.
Sa datus sang Provincial Disaster Risk Reduction Management Office, may 55 ka pamilya ukon 165 ka indibidual sa Brgy Bulad sa Isabela ang gin evacuate gab-i sang Miyerkules. Suno kay Irene Bel Ploteña ang pamuno sang PDRRMO may mga areas nga gin baha.
Sa Brgy Robles naman sa La Castellana, may 124 ka mga pamilya nga yara sa kilid sang suba kag mga flood prone areas ang gin paidalom sa pre-emptive evacuation.
Suno kay Remuel Lajo ang PIO sang La Castellana sa Brgy Robles may 5 ka mga evacuation center sa Barangay Robles.
May mga lugar nga nangin mabunok ang pag tupa sang ulan suno kay Ploteña kaangay sa Don Salvador Benedicto. Light to moderate rains naman ang ulan sa Bago, Pontevedre, Valladolod, Binalbagan, Isabela kag La Castellana. Ini ang tuga sang Habagat nga gin pabaskog sang bagyo Inday.
Naghuyang ang Bagyo Inday samtang padulong ini sa nortwestward sang Philippine Sea. Sa Heavy Rainfall outlook sang PAGASA bangud sang Habagat nalakip ang Negros Occidental 50mm tubtob 100mm nga pag tupa sang ulan.
May 20 ka LGU sa Negros Occidental ang nag-cancel sang klase subong nga July 9. Nag-cancel naman ang bilog nga Negros Oriental sang klase sa bilog nga probinsya.
“Ang sa Isabela may flooded area na sila nga reported, kahapon.
Ang heavy rains san-o ta gina expect? More or less Friday pa”, suno kay Ploteña.
[sibwp_form id=1]