Padayon ang monitoring karon sang Provincial Health Office sang hand, foot ang mouth disease sa probinsya.
Sa report sang PHO, nagsaka man sa 6,300 percent ang kadamuon sang kaso as of February 4 kun ipaanggid sa kasubong nga tion sang 2022, wala pa nag lab-ot sa punto nga kinahanglan ang pag deklarar sang oubreak.
Ini suno kay Governor Eugenio Jose Lacson base sa paathag man sang PHO sa iya.
May pagsaka, pero wala man ini naka sentro lamang sa isa ka lugar.
Ang kadamuon ang natingub gikan sa mga kaso sa nagkalain-lain ng mga inadlaw.
Sa January 1 to February 4 naman nga report sang Department of Health, ang Iloilo Province ang may pinaka mataas nga kaso sang HFMD sa Western Visayas – 1,132 cases.
Nagasunod naman ang Negros Occidental nga may 331 cases kag ikatlo ang Antique nga may 240 cases.
Suno sa gobernador, padayon ang ila nga pag pakig angut sa Department of Education labi na nga kabataan ang masami naga kaapektuhan sini.
Kun may makita ng amga sintoma, ginapakamaayo nga mag isolate na nga daan para indi na mag panglaton pa.
Dapat magpakig-angut man sa duktor ukon mga health center.