Shadow

Legal Office, Permits and Licensing Division maga patigayon sang inspection sa mga establisimiento

Joint Inspection team sang City Legal Office kag Permits and Licensing Division ang maga-usisa sang mga negosyo sa Marso makaligad sang deadline sa ginpatigayon  nga Business Online One-stop Shop.

Nagsaka sa 70 porsiyento ang kadamuon sang mga applicants nga nagparehistro sang ila business permit halin sa 16,078 sang nagligad nga tuig nga karon naglab-ot sa 18, 847 sang ginsuguran ang Business Online One-stop Shop sang Enero.

Kalabanan sa mga dugang nga bag-o nga negosyo mga restaurant, construction services kag water refilling stations nga sadto wala maka-proseso sang permit.

Suno kay Stella Rose Rayos, pamuno sang Permits and Licensing Division, bisan pa may mga water refilling station na sadto nga boluntaryo nga nanirado sang ma-issuehan sang notice of closure magapatigayon sila liwat sang inspection upod sa City Legal Office Enforcement Team sa Marso agud masiguro nga lehitimo ang pag-operate sang mga negosyo sa siudad.

May 15 man ka mga notice of closure nga ginserbe sadto sang City Legal Office Enforcement Team sa mga commercial establishment nga wala sang permits.

Suno kay City Legal Officer Romeo Carlos Ting, Jr., insigida na sila nga magapatuman sang closure order kun mapat-ud nga wala gihapon naga-proseso sang ila permit ang mga nahatagan na sang notice of

closure, ilabi na ang mga water refilling station.

Secured By miniOrangeSecured By miniOrange