Provincial Health Office ang nag recommend sang re-activation sang PIDACC ukon ang Provincial Infectious Disease Action and Control Council bilang pagpanghanda sa monkeypox.
Suno kay Dr Ernell Tumimbang, ang Provincial Health Officer, ini ang gina pamunuan sang gobernador kag Vice Chair naman ang PHO. Kun magtugot ang gobernador, mahimo nga magasapol sila sa masunod nga semana para mahandaan ang logistics kag mga ipatuman nga tikang indi lamang sa provincial level kundi pati na sa mga banwa kag siudad padulong sa mga barangay santo sa guidelines man sang Department of Health Region 6.
Ang PIDACC amo ang naga tutok sa mga emerging kag re-emerging infectious diseases.
Sa karon tutukan sang probinsya ang advocacy, monitoring kag surveillance labi na nga may kaso na sang monkeypox sa pungsod.