Shadow

Mga employers nga may problema sa pagbayad sa SSS sang ila empleyado pasakaan sang kaso kun indi mag comply sa show cause order

May dugang nga lima sa anum ka mga komboyahan ang ginserbehan sang show cause order sang mga opisyales sang Social Security System sa Bacolod kaina sang aga.

Sa atubang sang RACE team sang SSS wala napaiway nga may pila ka mga empleyado nga nagapalab ot sang reklamu kay indi sila maka loan sa SSS.

Suno kay Sheila Galeno,Branch Head sang SSS Bacolod, isa ini sa mga epekto kun indi ma update sang delinquent employers ang pag remit sang contributions sang ila nga mga empleyado.

Ang Ran After Contribution Evaders ukon RACE ang masupog nga ginapatuman sang SSS agud man mapalab ot ang benepisyo para sa mga member-employees kasubong na lang sang maternity kag sickness benefit kag loan.

Pamaagi man ini agud mapaandaman ang mga employers nga wala naga remit, delayed kag naga underpayment pati na ang mga yadtong wala naga-paregister sang ila mga negosyo kag mga empleyado sa SSS.

Siling ni Lilani Benedian, vice president sang West Visayas 1, sarang mapasakaan sang kaso nga pagsupak sa Republic Act 11199 ukon Social Security Act of 2018 ang mga employer nga mapaslawan mag settle sang ila account pagkaligad sang kinse ka adlaw sang ginserbi ang show cause order.

Nalakip sa mga naserbihan sang show cause order sang Race Team ang mga hauling services, water refilling station, exporter kag baligyaan sang organic products.

May 1,911 ka mga delinquent employers ang yara sa listahan sang SSS Bacolod kag Bacolod East. Sa kabilugan naglab ot sa masobra 82 milyones pesos ang delinquent contributions.

Secured By miniOrangeSecured By miniOrange