Phivolcs naga paandam sa mga banwa kag siudad malapit sa bulkan Kanlaon nga mag ulu-aligmat batuk sa lahar kag mud flow.
Bangud maulanon na ang panahon, dako ang posibilidad sang pagluntad sang lahar gikan sa bulkan Kanlaon.
Suno sa kay Ma. Antonia Bornas, ang chief sang volcano monitoring sang PHIVOLCS, delikado ang lahar ilabi kun may dala nga mga bato kag mga kahoy.
Ang malapuyot nga daw gina mix nga semento nga gikan sa bulkan parehos sang natabo sa Biak na Bato sa La Castellana amo ang gina tumod nga lahar samtang ang tubig naman nga may upod nga abu nga makita sa mga suba kada mag ulan amo naman ang muddy stream flow.
Balantayan suno sa kay Bornas ang lahar kay mahimo ini nga magsaka sa mga taytay, magpang guba sang mga balay kag may mga kaupod ini nga mga bato kag kahoy.
Kun bag-o gid lang lupok ang bulkan, may mainit nga lahar nga mas delikado kay maka tuga sang mga paso kag makamamatay.
Gani gina paandaman ang publiko batuk diri.