Shadow

Philippine Red Cross lab pang duha sa CLMMRH nga may pinakamadamo nga ginpatigayon nga RT-PCR test

Molecular laboratory sang Negros Occidental-Bacolod Red Cross ang naga pangduha sa mga output sa Covid testing sa Bacolod City.

Suno kay Elizabeth Zavalla ang secretary general sang Philippine Red Cross may 53,900 na ka mga samples ang na turn over sa laboratory.

Suno kay Dr Paulyn Ubial ang head sang molecular laboratory sang PRC, 38 percent sang output sa Bacolod ang gikan sa red cross lab kag 43 percent naman ang gikan sa laboratory sang Corazon Locsin Montelibano Memorial Regional Hospital.

Isa na ka tuig karon nga naga operate ang Negros Occidental–Bacolod Red Cross lab kag ini ang nagaserbe sa bilog nga probinsya bisan pa gani ang gikan sa mga kaiping nga lugar sang Negros Occidental.

Sa Western Visayas naman, bahin sa output suno kay zavalla panglima ang Negros Occidental-Bacolod Red Cross Molecular lab sa 17 ka mga laboratories.

Pagpanghangkat naman ni Senador Richard Gordon sa Negros Occidental-Bacolod Red Cross Molecular lab nga mangin numero uno ini sa Bacolod kag Western Visayas.

Suno sa chairman sang Red Cross importante ang Covid testing bangud sa sini nga paagi makaluwas sang kabuhi. May 13 ka mga laboratories ang Red Cross sa bilog nga pungsod suno kay Ubial kay may ginapaabot nga ika katorse nga lab sa Cotabato.

Magluwas sa swab testing nagapatigayon man ang Red Cross sang saliva testing. Ginkilala sang Negros Occidental-Bacolod Red Cross kagab -i sa pag saulog sang una nga anibersaryo sang molecular lab ang mga suporters kag partners sini sa isa ka virtual nga programa.

Secured By miniOrangeSecured By miniOrange