Shadow

Diaz: Negros Occidental sarang na maka sugod bakuna sang yara sa A4 category sa Lunes

Photo from I Love Sagay FB

Sarang na makasugod bakuna ang probinsya sang Negros Occidental sa Lunes sang mga yara sa A4 category.

Ini suno kay Negros Occidental Provincial Administrator Rayfrando Diaz.

Sa datus sang Provincial Health Office sang Hwebes masobra sa 61 percent na sa target sang A2 category ukon senior citizens ang nabakunahan.

Suno kay Diaz, nahatagan na ang probinsya sang go signal sang DOH nga maka sugod na bakuna sa A4.
Damlag pa, nalab-ot na sang probinsya ang target nga mabakunahan para sa A1 kag A3 category.

As of August 20, 181,387 ang fully vaccinated individuals sa Negros Occidental sa datus sang PHO.
262,003 naman ka bakuna ang na-administer ukon na dapat.

Samtang, Negros Occidental ang may pinaka manubo nga average daily attack rate ukon ADAR sa Western Visayas.

Ini suno kay Provincial Health Officer Dr Ernell Tumimbang. Sa report sang Department of Health, ang ADAR sang probinsya yara sa 1.6 percent sa kada 100,000 population, rason nga nangin low risk area na sa karon ang probinsya.

Naga isahanon nga probinsya ang Negros Occidental sa Region 6 nga yara sa Alert Level 1 sa Covid-19 suno kay Tumimbang.

Ang attack rate ang naga tumod sa percentage sang population nga at-risk nga nalatnan sang masakit, sa isa ka specified time.

Nagasunod naman ang Capiz nga may 4.51 percent ADAR kag Bacolod City nga may 5.75 percent ADAR.

Ang probinsya sang Iloilo may 7.91 percent ADAR, Guimaras 8.72 percent, Antique, 9.54, Iloilo City, 16.31 percent kag Aklan 16.61 percent.

Leave a Reply

Your email address will not be published. Required fields are marked *

Secured By miniOrangeSecured By miniOrange