Ginbisita mismo sang pamuno sang Armed Forces of the Philippines ang tropa sang 79th Infantry Battalion sang Sabado kasunod sang engkwentro nga nagluntad sang Abril 19 kun sa diin 19 ka gina alegar NPA ang napatay.
Suno kay General Romeo Brawner, Jr. isa ka lehitimo nga engkwentro ang natabo kag bukas sila sa ano man nga imbestigasyon.
Personal nga nagpadulong sa 79th IB headquarters sa Sagay
Si General Brawner para i-panginbulahan ang tropa kag bitbit man ang mensahe ni Presidente Ferdinand Marcos, Jr kag Defense Sec Gilbert Teodoro sa ila. Sila ang ginhatagan sang nagakaigo nga combat awards – gold cross ang silver cross medals.
Suno kay Brawner may pruweba sila nga ang 19 ka mga napatay ang nagbato sa natabo nga engkwentro. Makit-an na lamang ini sa imbestigasyon.
Kun ang CHR man, ukon congressional ukon senate inquiry bisan pa sa korte sila ang bukas para diri. Wala sang pag pang abuso gikan sa bahin sang tropa suno sa iya.
Panawagan niya nga kuntani mag buligay ang tanan para ma untat ang recruitment sang NPA sa mga pamatan-on, mga menor de edad kag bisan pa sa mga Filipino Americans.
Dugang pa niya kuntani ma untat naman ang terrorist financing. Ang masubo suno sa iya kay mismo ang mga Pilipino man ang naga away kontra sa iya kaupod nga Pilipino.*
[sibwp_form id=1]