Seryoso nga bagay ang pag pang-atake sang RSSI sa mga katubuhan nga kun indi gilayon matapna maka apekto sang production.
Suno kay Governor Eugenio Jose Lacson ini nga sitwasyon, updan pa sang manubo nga presyo sang kalamay ang labing maka apekto sang sugar industry.
Napaidalom na sa State of Calamity ang Negros Occidental bangud sang RSSI outbreak kag padayon nga pag lapta sini. May task force na nga maga tutok sa problema sa RSSI.
Suno kay Lacson wala pa nila mapat-od kun pila gid ang pondo nga ipain para diri labi na nga June pa lang kag ang probinsya naga pangaman man batuk sa posible kahalitan nga madala sang bagyo karon nga nagsugod na ang tig-ululan.
Padayon nila nga gina monitor ang kahalitan sang RSSI kag padayon ang pagtuon nila sa mga proposal kun paano labing mapamatukan ang RSSI.
Ang Negros Occidental may masobra sa 61,000 ka ektariya sang katubuhan ukon 32 percent sang sugarcane plantation ang apektado sang RSSI.
[sibwp_form id=1]