38 sa karon ang kumpirmado nga kaso sang pertussis sa Bacolod City kag Negros Occidental.
Sa report nga gin-release sang Provincial Health Office kahapon, 24 ang kumpirmado nga kaso sang pertussis sa Negros Occidental kay 17 naman ang probable cases. Sa Bacolod City, sa report sang City Health Office, 14 ang kumpirmado nga pertussis cases kag may isa nga pending pa ang result.
Ang barangay Tangub sa Bacolod City ang may pinaka damo nga kaso sang pertussis sa Bacolod – tatlo kag nagasunod ang Taculing nga may duha naman ka kaso sang pertussis. Suno sa CHO ang Pertussis isa ka vaccine preventable disease. Ini ang madali nga mag lapta sa kada persona paagi sa droplets gikan sa pag ubo ukon pag pang hatsi. Labing delikado ini sa mga lapsag kag makatug sang kamatayon sa amo nga age group. Labing gina haylo ang nga makumpleto ang bakuna sa mga kabataan naga pang edaron duha ka tuig paidalom. Ang mga close contact naman sang mga yadtong nakumpirma sa pertussis ang gina trace agudt0 mahatagan sang antibiotic prophylaxis.