Nakumpirmar sang otoridad nga isa ka prank ang bomb threat sa pila ka mga establishments kag eskwelahan sa San Carlos City paagi sa social media sang Sabado, Hulyo 11.
Nagpatigayon sang bomb detection paneling ang kapulisan, coast guard, rescue unit sang San Carlos kag isa ka K9 sa tatlo ka mga lugar nga gin-mention sa online post.
Nag-gwa sa resulta sang paneling nga wala sang explosives ukon ano man nga makaduloda nga items sa nasambit nga mga lugar.
Nagpakig-angot ang San Carlos PNP sa Regional Anti-Cybercrime Unit sang Police Regional Office-Negros Island Region agud makilal-an ang persona sa likod sang Facebook account nga nag-post angut sa bomb threat.
Ginpahayag ni San Carlos Mayor Renato Gustilo nga ila na gina-trace ang suspek agud mahibaluan ang motibo sa iya pagpalapta sang sala nga impormasyon nga nagtuga sang kahadlok sa publiko kag agud mapasakaan naa ini sang kaso.
Ang pagpalapta sang sala nga impormasyon ukon pagpamahog nga may bomba sa isa ka lugar ang pagsupak sa Presidential Decree 1727 ukon ang “Anti-Bomb Joke Law”.
[sibwp_form id=1]