Produkto sang mga 14 ka mga People’s Organization sa karon ang nasalida sa South Capitol road sa Bacolod City.
Mga produkto kaangay sang mga prutas, kararuton, mga uga, kape, handicrafts, kag madamo nga iban pa ang sarang mabakal sa mga booth nga naplastar sa kilid mismo sang Provincial Capitol Lagoon.
Nagbukas sila sadto pang June 21 kag ang ila nga pag baligya ang maga lawig tubtob sa June 28.
Suno kay Atty Julie Bedrio ang pamuno sang Provincial Environment and Management Office ini sila mga farmers, fisherfolks kag community partners sang probinsya may kaangtanan sa pag amlig sang palibot.
Sa likod sang produkto nga nasalida ang istorya sang pag tib-ong sang sustainable agriculture kasubong man sang active nga participation sa environmental conservation.
Lakip man diri ang rehabilitation kag protection efforts.
Suno kay Bedrio ang ini nga mga komunidad indi lamang naga produce para sa ila nga palangitan-an kundi naga upod man diri ang ila nga pagsaad para ma amligan ang kagulangan, mga watershed, kasubaan, mga kabakhawann kag ecosystems.
Paagi sa pag suporta sa ila nga mga produkto gina pa tin-ad indi lamang ang ila nga palangitan-an kundi gina pabakod man ang pag pangapin sa palibot.
[sibwp_form id=1]