PDRRMC ipaidalom sa Red Alert Status sa natalana nga National and Local Elections 2025.
Apat ka adlaw nga magapaidalom sa red alert status ang Provincial Disaster Risk Reduction and Management Council kag Emergency Operations Center halin sa Mayo 10 asta Mayo
13 para sa National and Local Elections 2025. Ini magluwas sa nagapadayon nga pag-alburuto sang bulkan Kanlaon. Samtang ang Bacolod DRRMO ang nagapabilin naman sa blue alert status.
Ginsiling ni Bacolod DRRMO Chief of Operations Earl Edward Ramirez nga upod sa 30 ka mga personnel ang mga Barangay Health Workers.
Bukas ang mga health centers sa tagsa ka mga barangay sa adlaw sang pinili-ay.
Naka-standby man ang mga ambulansya halin sa mga barangay upod sa mga search and rescue team. Mahimo i-deploy ang mobile command center.
Kabahin ini sang pag pasiguro nga mangin matawhay kag insigida nga maka-responde ang mga health emergency units kun ginakinahanglan sa adlaw sang pinili-ay.