Nagpadulong sa Barangay 29, Bacolod City ang katapo sang Philippine Drug Enforcement Agency agud magpatigayon sang house visitation sa mga ginakabig Persons Who Use Drugs ukon PWUD.
Suno sa PDEA, kabahin ini nga hilikuton sa nagapadayon nga pagtinguha sang gobyerno nga ma-suportahan ang rehabilitasyon kag reintegration sa komunidad sang mga PWUDs.
Ginhaylo sang PDEA personnel ang mga na-identify nga naga-usar sang droga nga magpasakop sa Community-Based Drug Rehabilitation Program, nga nagahatag intervention kag recovery services agud makabulig sa ila nga malampuwasan ang drug dependence.
Ginpahibalo man sang PDEA ang mga PWUDs sang nagkalain-lain nga benepisyo sang programa, lakip na ang support mechanism sini kung diin nagabulig nga makabalik sila bilang healthy kag productive nga miyembro sang sosyedad.