Sa Bacolod COMELEC office nag-idas ang linya sang manunudlo nga nag-claim sang honoraria matapos magserbe sa tinalikdan nga May 12 National kag Local elections.
Kadam-an sa ila nagserbe bilang katapo sang electoral board kag bilang support staff.
Ginsiling ni City Election Officer Atty. Revo Sorbito kapin sa P22M ang gintalana nga pondo para sa malapit 3,000 ka katapo sang electoral board kag support staff.
Gani ginapaabot nga magabaton sila ang tig-P9,000 tubtob P12,000 depende sa ila nangin responsibilidad sa adlaw sang pinili-ay.
Nahangpan ni Sorbito nga may pila ka mga manunudlo ang nagpabutyag sang hibunbun-ot sa social media natungod pila sa ila ang naagahan sa pag-turn-over sang mga automated counting machines kag election paraphernalia sa canvassing area.
Ginpaathag ni Sorbito nga resulta ini sang kakulang sang personnel nga nagakatabo kada may eleksyon.
Iya ginklaro nga wala man nila ginapilit ang mga manunudlo nga magserbe kada may pinili-ay.