Shadow

Pati mga ginikanan naga tu-on man sa online classes

Ang pag assist sa mga estudyante sa online learning isa lang sa mga nangin kabudlayan sang kadam an nga mga ginikanan karon nga pandemic.

Pero pinaagi sa Parent’s Academy sang Colegio San Agustin – Bacolod sarang na ini matagaan solusyon sa bulig man sang libre nga webinars nga ginatanyag sang eskwelahan.

Sa pag enrol sang estudyante sa elementary tubtob high school matudluan man ang ila mga ginikanan sang mga guidelines agud mangin mahapos ang ila pagtuon sa pihak sang epekto sang Covid-19 pandemic.

Para naman sa pila ka mga ginikanan dako na ini nga benepisyo para maka-adapt ang pamilya upod sa mga manunudlo sa online learning.

Ginalauman naman sang pamunuan sang buluthuan nga sa pagsanyug sang sistema sang edukasyon, mapasanyug man ang internet services pati na ang estable nga power supply.

Ang Parent’s Academy isa sa mga nahauna nga tikang sang buluthuan nga ginlunsar sang school year 2020-2021. Sa pagsugod sang panigbag o nga school year, ang natukod nga academy ang naga serbe man nga pamatuod nga sa pihak sang mga pagtilaw nga tuga sang pandemic sarang ini malampusawan pinaagi sa kooperasyon kag pag upod sa mga pagbag-o.

Leave a Reply

Your email address will not be published. Required fields are marked *

Secured By miniOrangeSecured By miniOrange