Nakilal-an na ang bangkay nga nasapwan kahapon sa isa ka payag sa Purok Villa Rosario sa Barangay Alijis sa Bacolod City.
Ang biktima ang ginkilala sang iya mga upod sa trabaho nga amo si Alex Dolorosa, 35 anyos.
Ang biktima ang suno sa pulis isa ka call center agent.
Isa sa karon sa motibo nga gina lantaw sang PNP sa pag patay kay Dolorosa amo ang hold-up.
Masami naga labay sa amo nga dalan suno sa pulis ang biktima kag mahimo nga gin balabagan siya sang suspek ukon mga suspek kag gintiro.
Nakuha suno sa pulis ang motorsiklo ni Dolorosa lakip na ang iban pa niya nga pag kabutang dala na ang iya cellphone.
Padayon ang imbestigasyon sang PNP kag ila karon gina pangita kun sa diin na ang motor sang biktima.