Ipasaka subong sang Calatrava Police Station ang kaso nga homicide batuk sa suspek nga naglampos sang kahoy nga may mga lansang sa ulo sang iya abyan, rason sang iya kamatayon sa Sitio Agtatahor II, Barangay Macasilao sa banwa sang Calatrava, mga las 10 sang gab-i sadtong Sabado, Mayo 2.
Nasapwan ang bangkay sang biktima nga si alyas “Edcel”, 22-anyos, sa higad sang kampo sang Domingo sang aga, Mayo 3. Nadakpan naman ang suspek nga si alyas “April”, 19-anyos.
Nag-gwa sa imbestigasyon nga updanay inom ang duha sa higad sang suba kag sang ila na pagpauli, sila ang nag-away kag nagtapungulay.
Nagpulot ang suspek sang kahoy nga may mga lansang kag ginlampos ini sang makapila ka beses sa ulo sang biktima.
Nakuha sa lugar ang kahoy nga may mga lansang, nga amo ang gingamit sa krimen.*
[sibwp_form id=1]