Magasakay kuntani sa eroplano padulong Manila ang isa ka lalaki nga pasahero apang siya ang gin-hold matapos nga may nakita nga kontrabando sa iya bag sa Departure Area Initial X-ray Scanner sang Bacolod-Silay International Airport, kaina mga las 5:55 Lunes sang aga, Mayo 11.
Sang gin-usisa, nakuha sa 25-anyos nga pasahero ang isa ka improvised tooter. Ang tooter ang isa ka improvised nga tube nga ginagamit sa pagsuyop sang iligal nga droga.
Suno sa report sang CAAP, ginapaidalum sa routine security screening ang bag sang pasahero sang na-detect sang Office for Transportation Security personnel ang suspected drug paraphernalia.
Ang pasahero ginkilala kay alyas “Isagani”, taga Hacienda Sta. Isabela sa Barangay Bagtic sa Silay City, Negros Occidental.
Magasakay kuntani siya sa Cebu Pacific Flight 5J 474 pakadto Manila.
Gilayon man nga gin-report ang insidente sa on duty nga pulis kag ang pasahero ang gin-turn over sa custody sang Philippine Drug Enforcement Agency para sa dugang nga imbestigasyon.*
[sibwp_form id=1]