Ginpasaka sang City Drug Enforcement Unit sang Sabado, Mayo 9, ang kaso nga pagsupak sa Republic Act 9165 ukon Comprehensive Dangerous Drugs Act of 2002 batok sa duha ka mga babaye nga nakuhaan sang P1,088,000 nga balor sang suspected shabu.
Nadakpan sanday alyas “Ning”, 30-anyos kag alyas “Nikka”, 20-anyos sa ginpatigayon nga buy-bust sa Purok Narra Baybay, Barangay 8 sa Bacolod City sang Biyernes, Mayo 8.
Ginsiling ni Police Lt. Col. Albert Sy, chief sang CDEU, si alyas “Ning” nga ila subject, ang naka-agi na priso apang nakagwa bangud sa plea bargaining agreement, samtang si alyas “Nikka” ang bag-o pa lang naka-agi dakop.
Suno kay Sy, masami na nga nagagwa ang ngalan sang subject base sa impormasyon nga nakuha sa mga una na nga nagkaladakpan.
Dugang pa ni Sy nga may kalaparon ang “area of distribution” sang droga ni alyas “Ning”, indi lang sa Barangay 8.*
[sibwp_form id=1]