Partly granted sang Civil Service Commission ang appeal nga gin-file sang anay pamuno sang NOCHP sang Negros Occidental sa pag-dismiss sa iya sa serbisyo angut sa gross neglect of duty kag grave misconduct nga kaso.
January 12, 2026 gin-promulgate sang CSC ang appeal ni Ma. Mina Pellejo nga OIC sadto sang Negros Occidental Comprehensive Health Program kag assistant Provincial Administrator.
Gin modify sang CSC ang decision nga gin papanaog sadtong November 19, 2021 ni Governor Eugenio Jose Lacson nga naga pamatbat nga guilty si Pellejo sa Gross Neglect of Duty kag Grave Misconduct kag naga dismiss sa iya sa serbisyo.
Tigaylo suno sa CSC guilty si Pellejo sa Simple Neglect of Duty kag ang ipatuman nga pamatbat 3 months nga suspension kag disqualification gikan sa promotion santo sa period sang suspension.
Ang kaso ni Pellejo nag-ugat sang siya ang pamuno sang NOCHP kun sa diin nakasaad nga may P86.4 million nga expenditure sang 2019 nga nagresulta sa P1.6 million nga excess sa annual budget sini. Dugang pa diri nga may total payable accounts ang NOCHP nga yara sa P26.7 million sang 2019.
Suno sa CSC wala sang substantial evidence nga naga suporta nga guilty si Pellejo sa amo nga administrative charges.
Pero ang iya nga failure sa pag exercise sang reasonable diligence sa pag manage sang NOCHP funds nagahimo sa iya nga liable sa Simple Neglect of Duty.
Suno kay Pellejo, nagapasalamat siya nga matapos ang halos apat ka tuig na vindicate siya ukon naklaruhan ang iya nga ngalan gikan sa grave administrative charges batuk sa iya.
Pero padayon ang iya nga pag pangita sang hustisya bangud ang iya nga appeal partly granted lamang.
Suno kay Atty Pearl Montesino, abogada ni Pellejo, nag-file sila sang motion for partial reconsideration, kay wala sang express ruling angut sa reinstatement ni Pellejo.
Nagapati sila nga ang “simple neglect of duty” wala sang basehan.
Suno kay Provincial Legal Officer, Alberto Nellas, Jr., nag notify na sila sa CSC nga maga file sila sang motion for reconsideration sa gin papanaog nga desisyon.*
[sibwp_form id=1]