Temporaryo nga indi maagyan sang mga motorista ang dalan Gatuslao nga sakop sang Barangay 4 bangud man sang nagapadayon nga road repair kag drainage project.
Suno kay Engineer Loben Ceballos, OIC sang City Engineer’s Office, ang pagkaayo sang dalan kag pag construct sang drainage ang sarang makahatag solusyon sa tinuig na nga problema sa baha sa area sang Barangay 4 kag Barangay 3.
Humalin sang nagligad nga inadlaw nangin masako man ang declogging kag clearing operation sang katapo sang Drrmo sa iban pa nga mayor nga dalanon sa Bacolod.
Samtang, sa pagpanguna ni Mayor Albee Benitez nag convene na ang katapo sang natukod nga Bacolod Traffic Authority Council ukon BTAC.
Nalakip sa mga ginadihon sang council ang pagpatuman sang 1 way traffic scheme agud mapahagan hagan ang problema sa trapiko, paghimu sang tikang batuk sa mga illegal structures sa dalan kag ang posible pagtukod sang East kag South Terminal sa siudad.