Sa madason nga semana gina paabot ang pag convene sang PIDACC nga naga tuyo nga magtutok sa pagpanghanda sa monkeypox.
Suno kay Provincial Health Officer Dr Ernell Tumimbang, maga padala pa siya sang komunikasyon sa mga committee heads nga katapo sang Provincial Infectious Disease Action and Control Council ukon PIDACC para sa natalana nila nga pagsapol sa Agosto 17.
Suno kay Tumimbang, nagsugilanon na sila ni Governor Eugenio Jose Lacson para diri kag ang mga pamuno lang anay sang nag kalain-lain nga komitaba ang maga tambong. Ang gobernador ang naga serbe nga chairperson sang PIDACC nga naga tutok sa emerging and re-emerging diseases.
Hatagan sang atensyon suno kay Tumimbang ang mga tikang nga ipatuman bilang pagpanghanda sa monkeypox karon nga may kaso na nga na record sa pungsod.
Subong ila nga gina duso ang advocacy, monitoring kag surveillance.